2011 jyly «Ulttyq medıtsınalyq holdıngi» AQ-y 18 biregeı medıtsınalyq tehnologııa engizedi
ASTANA. 4 aqpan. QazAqparat /Jasulan Amanbaıuly/ - 2011 jyly «Ulttyq medıtsınalyq holdıngi» AQ-y klınıkalaryna 18 biregeı medıtsınalyq tehnologııa engiziletin bolady.
Bul týraly búgin Astanada QR Prezıdenti N.Nazarbaevtyń halyqqa Joldaýyn talqylaýǵa arnalǵan konferentsııada holdıngtiń basqarma tóraǵasy Eljan Birtanov málim etti.
Qazirgi ýaqytta Ulttyq medıtsınalyq holdıngi otandyq medıtsınadaǵy ınnovatsııalyq úderisterdiń lokomotıvine aınaldy. Ótken jyly holdıng klınıkalarynda 30 myń adam em alǵan.
Onyń aıtýynsha, óńirlerdegi turǵyndardyń aldyńǵy qatarly sheteldik tájirıbege jáne jańa tehnologııalarǵa qoljetimdiligi bolýy úshin Ulttyq medıtsınalyq holdıngi telemedıtsına múmkindigin keń qoldanady.
«2011 jyly holdıngke 18 biregeı medıtsınalyq tehnologııa engiziletin bolady. 180 orynǵa arnalǵan Kardıohırýrgııalyq ortalyq paıdalanýǵa beriledi»,-deıdi E.Birtanov.
Onyń aıtýynsha, holdıngte tıisti ǵylymı, klınıkalyq, zerthanalyq praktıkalardyń halyqaralyq prıntsıpteri engiziledi. Holdıngtiń barlyq enshiles uıymdaryna arnalǵan Biryńǵaı oqytý-bilim berý ortalyqtary ashylmaq. Kadrlardy daıarlaý jáne qaıta daıarlaý úshin ataqty álemdik medıtsınalyq ortalyqtarmen áriptestik ornatylady.
Jıynǵa «Nur Otan» HDP-niń Astana qalalyq fılıalynyń ókilderi, holdıngtiń enshiles uıymdarynyń qyzmetkerleri qatysty.
