2011 jyly Ýkraına memleket qaryzy úshin 11,4 mlrd. dollar tóleıdi
ASTANA. 28 jeltoqsan. QazAqparat - Ýkraına 2011 jyly memleket qaryzy úshin 11,4 mlrd. dollar tóleıdi, dep málimdedi Premer-mınıstr Nıkolaı Azarov baspasóz konferentsııasynda, dep habarlaıdy RBK.
"Jyl ońaıǵa soqpaıyn dep tur. Bizge tek qaryzymyzdy qaıtarýǵa 90 mlrd. grıven tóleýge týra kelýde. Qomaqty soma", - dedi ol.
N.Azarovtyń sózine qaraǵanda, 2011 jyly «memleket osynshalyq qomaqty qaryzdy sońǵy ret moınyna alǵaly otyr».
"2012 jyl bizge aıtarlyqtaı ońaı bolady, eń aldymen biz bıýdjet tapshylyǵyn 5 paıyzdan 3 paıyzǵa deıin qysqartamyz", - dep túsindirdi úkimet basshysy.
