2011 jyly turǵyn úı qurylysynyń jalpy aýqymy aıtarlyqtaı tómendeýi múmkin - S. Nokın
ASTANA. Sáýirdiń 22-ci. QazAqparat /Qanat Mámetqazyuly/ -2011 jyly elimizdegi turǵyn úı qurylysynyń jalpy aýqymy aıtarlyqtaı tómendep ketýi múmkin. Búgin QR Parlamenti Májilisinde ótken dóńgelek ústel barysynda Qurylys isteri jáne turǵyn úı -kommýnaldyq sharýashylyǵy agenttiginiń tóraǵasy Serik Nokın osylaı málim etti,
dep habarlaıdy QazAqparat.
Agenttik tóraǵasynyń aıtýynsha, úlestik qurylysty qoldaýdyń esebinen 2009 jyly elimizde jalpy aýmaǵy 6,3 mln. sharshy metrdi quraıtyn turǵyn úı qoldanysqa berilgen. Al aǵymdaǵy jyly paıdalanýǵa beriletin baspanalardyń jalpy aýqymy shamamen alǵanda 6,2 mln. sharshy metrdi quraıdy dep josparlanýda.
«2011 jyly turǵyn úı qurylysynyń jalpy aýqymy respýblıka boıynsha aıtarlyqtaı tómendep ketýi múmkin, óıtkeni qazirgi tańda bul salada kommertsııalyq turǵyn úı qarqyny joqtyń qasy. Sondyqtan da, turǵyn úı qurylysy qarqynyn saqtap qalý úshin Memleket basshysy azamattardyń turǵyn úı qurylystyq jınaq qarajattarynyń áleýetin paıdalanýdy tapsyrǵan bolatyn. Qazirgi kúni Agenttik «Turǵyn úı qurylys jınaq banki» AQ-men jáne ákimdiktermen birlese otyryp, turǵyn úı qurylysyn júzege asyrýdyń tetikterin júrgizip keledi», dedi S. Nokın.
