2011 jyly statıstıka salasynda 9 jańa aqparattyq júıe engiziledi - Á. Smaıylov
ASTANA. Mamyrdyń 24-i. QazAqparat /Qanat Mámetqazyuly/ - Statıstıka agenttigi 2011 jyly statıstıka salasynda 9 jańa aqparattyq júıe engizýdi josparlap otyr.
Búgin QR Parlamenti Májilisinde «Memlekettik statıstıkany jetildirýdiń basty baǵyttary» atty taqyrypta ótken Úkimet saǵatynda QR Statıstıka agenttiginiń tóraǵasy Álıhan Smaıylov osylaı málim etti, dep habarlaıdy QazAqparat.
«Bıylǵy jyly «Elektrondy Úkimet» pen «Elektrondy Statıstıka» yqpaldasqan statıstıkalyq aqparattyq júıesin jasaý, engizý boıynsha sharalardy júzege asyrý qolǵa alynýda. Bul statıstıkalyq derekterdi jınaý, óńdeý jáne taratý barysyn avtomattandyrýdyń jańa deńgeıin qamtamasyz etýge múmkindik beredi. Aǵymdaǵy jyly agenttik yqpaldasqan aqparattyq júıesiniń tehnıkalyq-ekonomıkalyq negizdemesin ázirleıdi jáne kezeń-kezeńimen aldaǵy eki jyl boıy aqparattyq tehnologııalardyń zamanaýı talaptaryna jaýap beretin júıesin quratyn bolady», dedi Á. Smaıylov.
Onyń aıtýynsha, aqparattyq júıelerdi engizý statıstıka salasyn jetildirýge zor múmkindik beredi. Bul rette 2011 jyly 9, 2012 jyly 4 jańa aqparattyq júıe qurý josparlanýda.
