2011 jyly Senat saılaýyn ótkizýge 142 mllıon teńge bólindi - OSK
ASTANA. 7 shilde. QazAqparat /Jasulan Amanbaıuly/ - 2011 jyly Senat saılaýyn ótkizýge 142 mllıon teńge bólindi. Bul týraly búgin Astanada ótken brıfıng barysynda Ortalyq saılaý komıssııasy tóraǵasynyń orynbasary Vladımır Foos málim etti.
Búgin OSK QR Parlamenti Senatynyń depýtattyǵyna kandıdattardyń respýblıkalyq bıýdjet karajatynan jabylatyn shyǵystardyń normatıvterin bekitti. V. Foostyń aıtýynsha, normatıvterde kórsetilgenindeı, Senat depýtattyǵyna kandıdattyń árqaısysyna 477 myń teńge bólinetin bolady. «2008 jyly ótken saılaýda 250 myń teńge bólingen edi. Bul shamamen eki esege deıin az»,- dedi V. Foos.
Onyń ishinde kandıdattyń telearnadan sóz sóıleýine - 105 myń teńge, radıoefırde saılaýaldy úgit júrgizýge - 62 myń teńge, basylymda eki maqala jarııalaýǵa - 135 myń teńge, kandıdattyń saılaýshylarmen kezdesýine arnalǵan oryndy jaldaýǵa - 25 myń teńge, úgit-nasıhat materıaldaryna 50 myń teńge jáne júrip -turýyna arnalǵan kólik shyǵyndaryna - 100 myń teńge qarastyrylyp otyr.
Onyń atap ótkenindeı, Senat depýtattyǵyna kandıdattardyń saılaýaldy úgiti kandıdattar qurǵan saılaý qory esebinen de qarjylandyryla alady. Eske sala keteıik, jalpy ereje boıynsha, Senat depýtattyǵyna úmitker árbir kandıdattyń qory 3 mln. 199 800 teńgeden aspaýy tıis.
