2011 jyly parnıkti gazdardy shyǵarýǵa baılanysty memlekettik retteý engizilmek
ALMATY. Qyrkúıektiń 17-si. QazAqparat /Erlik Erjanuly/ - Kıota hattamasynyń bekitilýine oraı Qazaqstanda birqatar zańdarǵa jańa ózgerister ázirlenip jatyr.
Bul týraly búgin Almatyda ótip jatqan " Tómen kómirtekti damý: strategııalyq tásilder jáne naqty sheshimder" dep atalatyn ulttyq konferentsııada belgili boldy.
"2011 jyl biz parnıkti gazdardy shyǵarýǵa memlekettik retteý engizemiz. Onda kásiporyndarǵa engizetin mindettemelerden basqa, parnıkti gazdardy qysqartýǵa yntalandyratyn kvota saýdasy júıesi faktory qarastyrylady", deıdi deıdi QR Qorshaǵan ortany qorǵaý vıtse-mınıstri Eldana Sádýaqasova. 2009 jyly naýryzdyń 26-synda Kıota hattamasyn bekitkenen keıin Qazaqstan klımattyń ǵalamdyq ózgerýiniń aldyn alý jónindegi dúnıejúzilik qozǵalysqa qosyldy. Sondaı-aq BUU-nyń Klımattyń ózgerýi týraly negizdemelik konventsııasynnyń jáne ulttyq deńgeıdegi Kıota hattamasynyń talaptaryn oryndaý boıynsha belsendi qımyldaı bastady. Bul kelisimniń basty talaby parnıkti gazdardy shyǵarýdy qysqartý jáne tómen kómirtekti ekonomıkaǵa kóshý. Ol álemdik qaýymdastyqpen yqpaldasý men turaqty damýǵa qol jetkizýi úshin qajetti qadam bolyp tabylady.
