2011 jyly órt saldarynan 500-ge jýyq adam qaza tapty
ASTANA. 12 qańtar. QazAqparat /Rýslan Ǵabbasov/ - 2011 jyly órt saldarynan 500-ge jýyq adam mert boldy.
Bul týraly búgin Astanada ótken brıfıngte QR Tótenshe jaǵdaılar mınıstrliginiń resmı ókili Lıýbov Shaposhnıkova málim etti.
«2011 jyly órt jaǵdaıyna júrgizilgen taldaýǵa sáıkes el aýmaǵynda 15 myńnan astam óndiristik jáne turmystyq órt boldy. Órt saldarynan myńnan adam zardap shekti, onyń ishinde 488 adam qaza tapty, sonyń 58-i balalar»,-dedi resmı ókil.
Onyń sózine qaraǵanda, TJM qyzmetkerleri órt kezinde shamamen 2 myńnan astam adamdy qutqardy. Materıaldyq shyǵyn 4 mlrd. teńgeden asyp otyr.
2010 jyldyń osy kezeńimen salystyrǵanda órt sany 20,3 paıyzǵa, materıaldyq shyǵyn 6,1 paıyzǵa, órt kezinde qaza bolǵan adamdar sany 7,6 paıyzǵa, sondaı-aq jaraqat alǵandar 17,3 paıyzǵa tómendedi.
