2011 jyly memlekettik satyp alýlardyń aýktsıondyq tásili ilki rejimde engizilmek
ASTANA. Qyrkúıektiń 21-i. QazAqparat /Ernur Aqanbaı/ - Qarjy mınıstrligi 2011 jyly memlekettik satyp alýlardyń aýktsıondyq tásilin ázirleıtin jáne ony ilki rejimde engizetin bolady. Bul týraly búgin Baılanys jáne aqparat mınıstrliginde ótken Úkimettiń kóshpeli otyrysynda Qarjy mınıstri Bolat Jámishev aıtty.
Onyń sózine qaraǵanda, mınıstrlik atalmysh máseleni «Zerde»-niń enshiles kompanııalarynyń birimen pysyqtaýda. Al, 2012 jyly memlekettik satyp alýlardyń aýktsıondyq tásili elimizde dástúrli tásil bolýy tıis. «Qazirgi ýaqytta elektrondy memlekettik satyp alý portalynda 70 myńnan astam qatysýshy, sonyń ishinde 40 myń jetkizýshi tirkelgen. Portalǵa aptasyna 30 myń adam kirip turady. Tipti keıde kúnine 30 myńǵa deıin adam kiredi», dedi mınıstr.
