2011 jyly «Mádenıet», al 2012 jyly «Bilim» telearnasy ashylady
STANA. Qyrkúıektiń 24-i. QazAqparat /Marlan Jıembaı/ - Kelesi jyly 100 paıyz qazaq tilinde habar taratatyn «Mádenıet», al 2012 jyly «Bilim» telearnasy ashylady. Bul týraly búgin el tarıhynda tuńǵysh ret taza qazaq tilinde habar taratatyn «Balapan» telearnasynyń iske qosylýynda sóz sóılegen Baılanys jáne aqparat mınıstri Asqar Jumaǵalıev aıtty.
«Búgin qazaq tilindegi jańa, tuńǵysh «Balapan» telearnasynyń ashylýyna jınalyp otyrmyz. Osy joba Elbasynyń tapsyrmasyna sáıkes iske asyryldy. 2011 jyly «Mádenıet», al 2012 jyly «Bilim» telearnasyn ashýdy josparlap otyrmyz», dep atap ótken mınıstr jańa telearnanyń bolashaǵy mol bolsyn, balalarǵa tek jaqsylyq bersin degen tilegin jetkizdi.
Aıta keteıik, «Qazaqstan» respýblıkalyq teleradıo korporatsııasynyń bazasynda qurylǵan bul jańa telearna kabeldik jelide memlekettik tilde shyǵatyn bolady. «Balapan» balalardyń kóńil kóteretin-tanymdyq telearnasy 3 jastan 10 jasqa deıingi eń jas qazaqstandyq aýdıtorııaǵa arnalǵan. Arna qyrkúıektiń 27-si kúninen bastap kórsetile bastaıdy.
