2011 jyly qurylystaǵy baǵa 5,4 paıyzǵa ósti
ASTANA. 10 qańtar. QazAqparat /Qanat Mámetqazyuly/ - 2011 jyly qurylystaǵy baǵa 5,4 paıyzǵa ósti. Bul týraly QR Statıstıka agenttiginen habarlandy.
Agenttik málimetterine qaraǵanda, 2011 jylǵy jeltoqsanda ótken jylǵy tıisti aımen salystyrǵanda baǵa qurylys-montaj jumystaryna 5,6 paıyzdy, mashınalar men jabdyqtarǵa - 6,6 paıyz, ózge de jumystar men shyǵyndarǵa 4,3 paıyzǵa ósti.
Al jyl ishinde qurylys uıymdary satyp alǵan materıaldar, bólshekter jáne konstrýktsııalar baǵasy 1,9 paıyzǵa qymbattady. Qum baǵasy - 6,4 paıyz, qurylys maltatasy - 5,5 paıyzǵa, plastmassadan jasalǵan qurylys buıymdary men ǵanyshkarton - 5 paıyzdan, ák - 4,7 paıyz, aǵash materıaldary, qysh taqtaıshalar men taqtalar - 3,7 paıyzdan, boıaýlar men emaldar, portlandtsement - 3 paıyzdan, tabaqty shyny - 2,7 paıyz, lınoleým 1,6 paıyzǵa ósken.
Al, qurylys jumystaryna arnalǵan ǵanysh baǵasy 3,2 paıyz, qara metaldardan jasalǵan rakovınalar men jýǵyshtar - 2,2 paıyzǵa, laktar - 0,7 paıyz, asbesttsementten jasalǵan tabaqtar 0,5 paıyzǵa tómendedi.
