2011 jyly QR Týrızm jáne sport mınıstrligi qazaq kúresinen 1 mıllıonǵa tarta palýan saıysqa túsetin týrnır ótkizedi

Bul týraly búgin Astanada vedomstvo basshysy Temirhan Dosmuhambetov málim etti.

«Jaqynda biz Qyzylorda oblysynda qazaq kúresi sportynan týrnır ótkizdik. Oǵan 32-33 myń sportshy qatysty. Kelesi jyly Qazaqstanda el táýelsizdiginiń 20 jyldyq mereıtoıy bolady. Soǵan oraı sol týrnırdiń aqtyq syny 2011 jyly Astanada bolady. Boljam boıynsha oǵan eldiń 14 oblysynan jáne 2 qalasynan 700 myńnan bastap 1 mıllıonǵa deıin palýan qatysady dep kútilýde», - dep atap kórsetti mınıstr.

T. Dosmuhambetovtiń atap ótkenindeı, qazaqsha kúres dodasyna klassıkalyq, grek-rım kúresiniń jáne sambonyń palýandary erkin qatysa alady. Mınıstrdiń aıtýynsha, jeńimpazdarǵa iri syılyqtar tartý etilmek. Birinshi oryn ıelengenderge 100 myń AQSh dollarynan astam aqshalaı syılyq qarastyrylatyn bolady. Al túıe palýanǵa «Qazaq barysy» ataǵy beriledi. T. Dosmuhambetovtiń sózine qaraǵanda, bunyń barlyǵy halyq arasynda sportty, sonyń ishinde onyń ulttyq túrlerin nasıhattap, bedelin arttyrý úshin qolǵa alynýda.

«Búkil ómir - kúres. Kúrespen barlyq adamdar, áıelder men erkekter shuǵyldanýy tıis», dedi mınıstr sóz sońynda.