2011 jyly QR kedenshileri 276 keliden astam esirtkini zańsyz aınalymnan shyǵardy
ASTANA. 9 qańtar. QazAqparat - Keden organdary Qazaqstan Respýblıkasynyń kedendik shekarasy arqyly esirtki zattaryn, elitetin zattardy jáne prekýrsorlardyń zańsyz aınalymymen jáne kontrabandasymen baılanysty qylmystardy anyqtaý men jolyn kesýde úlken jumystar atqardy.
Bul týraly QR Qarjy mınıstrliginiń Kedendik baqylaý komıtetiniń baspasóz baıanynda habarlanǵan.
Aıtalyq, 2011 jyldyń 12 aıynda Kedendik baqylaý komıtetiniń kontrabandamen kúres bólimsheleri 112 qylmystyq is qozǵady, onyń ishinde QR QK 250-babynda kózdelgen qylmystar belgilerimen (kontrabanda) - 71, QR QK 259-babymen (esirtkini zańsyz satyp alý, saqtaý, tasymaldaý jáne ótkizý) - 40, QR QK 262-babymen (zańsyz esirtki shópteri egisi) - 1 is qozǵaldy.
Zańsyz aınalymnan barlyǵy 276 keli 68 gramm ártúrli esirtki zattary, sonyń ishinde 48 keli 930 gramm - geroın, 8 keli 164 gramm - gashısh, 2 keli 242 gramm - apıyn jáne 213 keli 676 gramm marıhýana alyndy.
