2011 jyly Kedendik baqylaý komıtetiniń qyzmetkerleriniń ústinen 65 qylmystyq is qozǵaldy - jyl qorytyndysy
ASTANA. 30 qańtar. QazAqparat /Aıdar Ospanalıev/ - Ótken jyly Qarjy mınıstrligi Kedendik baqylaý komıtetiniń qyzmetkerlerine qatysty 65 qylmystyq is qozǵaldy. 2010 jyly bul kórsetkish 89 boldy.
Bul týraly búgin 2011 jyly atqarylǵan jumystardyń qorytyndysy boıynsha ótken alqa májilisinde Qarjy mınıstrligi Kedendik baqylaý komıtetiniń tóraǵasy Serik Baımaǵambetov málim etti.
Onyń málimetterine qaraǵanda, jemqorlyqpen kúres keden organdary qyzmetkerleriniń basty mindetteriniń biri. «Osyǵan oraı, keden salasynda jumysqa alynatyn qyzmetkerlerge qoıylatyn talaptar kúsheıtildi. Endi, kedenge qyzmetke alynatyn azamattar konkýrs negizinde irikteletin bolady. Al qylmystyq is qozǵalǵan keden qyzmetkerlerine keletin bolsaq, olardyń 42-sin nemese 64 paıyzyn ózimiz anyqtadyq. Al 2010 jyly bul kórsetkish 29 bolatyn. Sondaı-aq, keden salasynda sybaılas jemqorlyqpen baılanysty 51 qylmys anyqtalyp, olardyń 43,83 paıyzy keden qyzmetkerleriniń ózderi áshkereledi. Jemqorlyqpen baılanysty qylmysqa jol bergenderi úshin 40 laýazym ıesi ornynan bosatyldy»,-dedi Komıtet tóraǵasy.
