2011 jyly Qazaqstandaǵy sanıtarlyq-epıdemıologııalyq jaǵdaı turaqty boldy
ASTANA. 6 qańtar. QazAqparat - Ótken jyly respýblıkalyq sanıtarlyq qyzmettiń jumysy turaqty sanıtarlyq-epıdemıologııalyq jaǵdaıdy qamtamasyz etýge baǵyttaldy, dep habarlady Pm.kz. saıty.
«Jaǵdaı turaqty boldy. Aldyna ala júrgizilgen aýqymdy sharalardyń arqasynda oba, tyrysqaq sııaqty óte qaýipti juqpaly aýrýlar tirkelmedi», - dedi QR Densaýlyq saqtaý mınıstrligi Memlekettik sanıtarlyq-epıdemıologııalyq baqylaý komıtetiniń tóraǵasy Jandarbek Bekshın.
Sonymen qatar, dıfterııa, polıomıelıt sııaqty aýrý túrleri de tirkelmedi. Sondaı-aq vırýstyq gepatıtterdiń aldyn alý boıynsha jaqsy nátıjelerge qol jetkizildi.
«Jumystardyń nátıjesinde elimizde vırýstyq gepatıtke shaldyqqan naýqastar sany 47 paıyzǵa tómendedi. «A» gepatıtine shaldyqqandar sany 49 paıyzǵa, «V» gepatıtine shaldyqqandar sany 33 paıyzǵa azaıǵan», - dep tolyqtyrdy óz sózin Komıtet tóraǵasy.
