2011 jyly Qazaqstanda jol-kólik apattarynan 2,7 myń adam kóz jumdy - Jol polıtsııasy
ASTANA. 6 aqpan. QpazAqparat - 2011 jyly respýblıka joldarynda 12 019 jol-kólik oqıǵasy tirkeldi, dep habarlaıdy Jol polıtsııasy komıtetiniń baspasóz qyzmeti.
Ótken jyldyń 12 aıy ishinde 2 707 jol apatynan kóz jumyp, 14 myńnan astam adam jaraqat alǵan.
Jol polıtsııasynyń málimetteri boıynsha, 2010 jylmen salystyrǵanda qaıtys bolǵan adamdardyń sany 3,2 paıyzǵa azaıyp otyr. Biraq jaraqattanǵandar sany 1 paıyzǵa jýyq artqan.
Jol-kólik apattarynyń 70 paıyzdan astamy qala jáne eldimeken kóshelerinde oryn alǵan. Al árbir 5-inshi nemese 6-ynshy jol apaty respýblıkalyq mańyzy bar tasjoldarda oryn alatyn kórinedi.
«Ólim-jitim sanynyń basym bóligi osy joldarǵa tıesili. Máselen, byltyr atalmysh tasjoldarda 2 213 jol apaty oryn alyp, 1 113 adam o dúnıelik bolǵan», - delingen vedomstvo habarlamasynda.
Jol-kólik oqıǵalarynyń negizgi sebebi - júrgizýshilerdiń tómen tártibi bolyp otyr. Júrgizýshilerdiń jolda júrý erejelerin óreskel buzýy saldarynan 10 557 jol-kólik oqıǵasy tirkelgen. Bul byltyr tirkelgen barlyq apattardyń 87 paıyzy. Sonymen qatar júrgizýshilerdiń salǵyrttyǵynan 2 476 adam kóz jumdy. Bul jol apatynan qaıtys bolǵandardyń 91 paıyzy.
