2011 jyly Qazaqstanda JІÓ ósimi 7,5 paıyzdy qurady
ASTANA. 10 qańtar. QazAqparat - 2011 jyldyń qorytyndysy boıynsha Qazaqstanda jalpy ishki ónimniń ósimi 7,5 paıyzdy qurady, dep habarlady el Premer-Mınıstri Kárim Másimov.
«2011 jyly Qazaqstandaǵy JІÓ ósimi 7,5 paıyzdy qurady. 2011 jyly Qazaqstanda jan basyna shaqqandaǵy JІÓ 11 300 AQSh dollaryn qurady»,- dep jazdy Kárim Másimov Twitter-ge.
Úkimet basshysy sondaı-aq «2011 jyly Qazaqstandaǵy ınflıatsııa 7,4 paıyzdy quraǵanyn» atap kórsetti.
Esterińizge sala keteıik, Elbasy Nursultan Nazarbaev 2011 jyldyń 17 sáýirinde ótken keńeıtilgen keńeste Úkimettiń aldyna 2011 jyly ekonomıkanyń 7 paıyzdyq ósimine qol jetkizý týraly mindet qoıǵan bolatyn. Aldaǵy bes jylda Qazaqstan tabysy joǵary deńgeıdegi elderdiń qataryna kirýi kerek. 2016 jylǵa qaraı jan basyna shaqqandaǵy JІÓ 15 myń AQSh dollarynan kem bolmaýy úshin ekonomıka jyl saıyn 7 paıyzdan kem bolmaıtyn qarqynmen ósýi tıis.
