2011 jyly Qazaqstanda negizgi kapıtalǵa salynǵan ınvestıtsııa kólemi 2,4 paıyzǵa artty
ASTANA. 13 qańtar. QazAqparat /Jasulan Joldybaev/ - 2011 jyly Qazaqstanda negizgi kapıtalǵa salynǵan ınvestıtsııa kólemi onyń aldyńǵy jylmen salystyrǵanda 2,4 paıyzǵa artty.
Búgin ótken brıfıngte QR Statıstıka agenttiginiń tóraǵasy Álıhan Smaıylovtyń atap ótkenindeı, negizgi kapıtalǵa salynǵan ınvestıtsııalardyń jalpy kólemi 4 trıllıon 985,9 mıllıard teńgeni qurady.
«Investıtsııalardyń 31 paıyzy taý-ken óndirisine baǵyttaldy. Kólik salasyna salynǵan ınvestıtsııalardyń úlesi 18 paıyz, al óńdeý salasyna shamamen 10 paıyz boldy», - dep atap ótti ol.
QR Statıstıka agenttigi basshysynyń aıtýynsha, negizgi kapıtalǵa baǵyttalǵan ınvestıtsııa kóleminiń artýy eldegi ındýstrııalandyrý baǵdarlamasy aıasynda jasalyp jatqan jańa jobalardyń iske asyrylýy esebinen bolyp otyr.
