2011 jyly Qazaqstanda negizgi áleýmettik mańyzy bar aýrýlar kórsetkishi tómendedi

 sapasy men medıtsınalyq qyzmet kórsetý deńgeıin aıtarlyqtaı jaqsartyp, negizgi áleýmettik mańyzy bar aýrýlar kórsetkishin tómendetýge múmkindik berdi, dep habarlady pm.kz saıty.

 «Medıtsınalyq tehnologııalar men densaýlyq saqtaýdyń ınfraqurylymyn damyta otyryp, biz qazaqstandyqtardyń ómir súrý uzaqtyǵyn arttyramyz», - dep málim etti Elbasy Nursultan Nazarbaev Qazaqstan Táýelsizdiginiń 20 jyldyǵyna arnalǵan saltanatty jınalysta.

Bárimiz biletindeı, «Salamatty Qazaqstan» baǵdarlamasy 2011-2015 jyldarǵa arnalǵan jáne  jyl saıynǵy Qazaqstan halqyna Joldaýynda aıtylǵan Memleket basshysynyń tapsyrmasyn oryndaý úshin QR Úkimetimen júzege asyrylady.

 «2015 jylǵa deıingi densaýlyq saqtaýdyń memlekettik baǵdarlamasy basqarýdy jaqsartý, bıýdjet qarajatyn tıimdi paıdalanýdy arttyrý, dári-dármektiń qoljetimdi bolýy men onyń sapasyn jaqsartý, sondaı-aq aldyn alý sharalaryn kúsheıtý esebinen Biryńǵaı densaýlyq saqtaý júıesin nyǵaıtýǵa baǵyttalǵan», - dedi Úkimet basshysy Kárim Másimov «Nur Otan» partııasy parlamenttik fraktsııasynyń otyrysynda.

Densaýlyq saqtaýdy damytý úshin qolǵa alynǵan júıeli sharalardyń arqasynda ana men sábı ólimin boıynsha jaǵdaı turaqtandy jáne áleýmettik mańyzy bar aýrýlardyń tómendeý úrdisi baıqalýda. Atap aıtqanda, 2011 jyldyń 11 aıynda ana ólimi kórsetkishi 1,4 esege tómendegen. Ótken jyldyń sáıkes kezeńimen salystyrǵanda bala ólimi 11,3 paıyzǵa tómendedi. 2011 jylǵy qańtar-qarasha aılarynyń arasynda halyqtyń týberkýlez aýrýyna shaldyǵý deńgeıi 9,7 paıyzǵa azaıǵan, al týberkýlez aýrynan ólim-jitim sany 2010 jyldyń sáıkes kezeńimen salysytyrǵanda ár 100 myń jan basyna shaqqanda 10,4-ten 8,2-ke deıin azaıǵan».

Sonymen qatar, respýblıkada qaterli aýrýlardan ólim-jitim sany tómendep, 2010 jyldyń sáıkes kezeńimen salystyrǵanda árbir 100 myń jan basyna shaqqandaǵy 100,5 kórsetkishten 94,4-ke deıin tómendegen. Júrektiń ıshemııalyq aýrýynan qaıtys  bolǵan adamdar sany  ótken jyldyń sáıkes kezeńimen salystyrǵanda  ár 100 myń jan basyna shaqqanda  278, 4 kórsetkishten  268,8-ge deıin azaıǵan. Qan aınalym júıesiniń aýrýlarynan ólim-jitim sany 20 paıyzǵa tómendep, 2010 jyldyń sáıkes kezeńimen salystyrǵanda ár 100 myń jan basyna shaqqandaǵy 407,5 kórsetkishten 323,1-ge deıin azaıǵan.

Sonymen qatar, aıta ketsek, «Salamatty Qazaqstan» baǵdarlamasy aıasyndaǵy sharalardyń arqasynda aq halattylar sany 2010 jylǵy 50556 adamnan 53 153 dárigerge deıin kóbeıgen.

Sondaı-aq, ulttyq skrınıngtik baǵdarlamanyń engizilýimen halyqtyń maqsatty tobyna tekserý júrgizýdiń kezeńi men algorıtmi anyqtaldy. Skrınıngtik tekserý júrgiziletin aýrýlardyń sany artqan. Barlyǵy 2 mln. adam qaralsa, 18 jasqa tolmaǵan 3 mln. bala (64,3 paıyz) kásibı qaralýmen qamtylǵan.

Qazaqstan boıynsha barlyǵy 5,1 mln. adam qaralyp, 1,1 mln. halyqtan ártúrli syrqattar tabylsa, 415 myńnan astam adam der kezinde emdeýden ótken.

Aýyl-aımaqtardaǵy halyqqa medıtsınalyq kómektiń qoljetimdi bolýy úshin qolǵa alynǵan is-sharalar ótken jylǵy jumystardyń aıtarlyqtaı nátıjesi boldy. Bul maqsatqa kóliktik medıtsınany damytý arqyly qol jetkizildi. Búgingi tańda 3 emdeý-dıagnostıkalyq poıyz iske qosylǵan, poıyzdar 110 stansanyń halqyna  260 myń emdeý-dıagnostıkalyq qyzmet kórsetilip, 48 myńnan astam adam, sonyń ishinde 11 myń bala medıtsınalyq qaralýdan ótken.

Biryńǵaı densaýlyq saqtaý júıesiniń aıasynda, 2011 jylǵy 11 aıdyń qorytyndysy boıynsha josparǵa sáıkes statsıonarlarda em qabyldaǵan 664 myń adam statsıonar tańdaý quqyǵyn paıdalandy, onyń ishinde aýyl azamattarynyń úlesi 45,5 paıyzdy quraǵan.

«Salamatty Qazaqstan» Memlekettik densaýlyq saqtaý baǵdarlamasy qazaqstandyqtardyń densaýlyǵyn jaqsartýǵa, eldiń turaqty áleýmettik-demografııalyq damýyn qamtamasyz etýge, medıtsınalyq qyzmet deńgeıin arttyrýǵa jáne dıagnoz qoıýdy jetildirýge, saýyqtyrý men negizgi áleýmettik mańyzy bar aýrýlardy emdeýge baǵyttalǵan.