2011 jyly Qazaqstanda qarjynyń kóleńkeli aınalymynan 100 mlrd.-tan astam teńgege shyǵyn keldi
ASTANA. 12 sáýir. QazAqparat - 2011 jyly kóleńkeli qarjy aınalymy baǵytynda 3127 qylmys anyqtaldy.
Osy turǵyda 112 mlrd. teńgeden astam somaǵa shyǵyn keltirildi. Osy shyǵynnyń 61 mlrd. teńgesiniń orny toltyryldy. Bul jaıynda búgin Astanada Qarjyny jymqyrýǵa tosqaýyl qoıýǵa baılanysty arnalǵan semınarda málim boldy.
Aıta keteıik, bul basqosýǵa QR Qarjy mınıstrliginiń mamandary jáne Lıtva Respýblıkasynyń qarjy salasynyń mamandary qatysýda. Taratylǵan málimetterge qaraǵanda, jalǵan kásipkerlik faktisi boıynsha qylmystyń jyl saıynǵy ósimi 20-30 paıyzdy qurap otyr. Máselen, 2008 jyly 360 jalǵan kásipkerlik qylmysy tirkelse, 2009 jyly onyń sany 560-qa jetti. Al, 2010 jyly osyndaı 889 qylmys tirkeldi.
Atap aıtqanda, 2008 jyly mundaı qylmystar boıynsha shyǵyndar 13 mlrd. teńgeni qurasa, al 2010 jyly 68 mlrd. teńgege jetti. Sondaı-aq, 2011 jyly keltirilgen shyǵyn kólemi 33,7 mlrd. teńgeni qurady.
Aıta keteıik, osy keltirilgen zalaldyń tek jartysy ǵana qaıtarylyp otyr. 2006-2010 jyldar aralyǵynda 671 sýbekti sot tarapynan jalǵan kásiporyn retinde tanyldy. Bul kásiporyndar boıynsha qosymsha qun salyǵy turǵysyndaǵy bıýdjetke keltirilgen shyǵyn 76,8 mlrd. teńgege jetti.
