2011 jyly Qazaqstanda aýyl sharýashylyǵy mashınalaryn jasaý jáne aspaptar jasaý konstrýktorlyq bıýrolary qurylady - Injınırıng jáne tehnologııalar transferti ortalyǵy
Memleket basshylary Nursultan Nazarbaev pen Dmıtrıı Medvedevtiń aldynda Qazaqstannyń Indýstrııa jáne jańa tehnologııalar mınıstrligi Injınırıng jáne tehnologııalar transferti ortalyǵynyń basshysy Saıat Núsipov sóz sóıledi, dep habarlady ortalyqtyń baspasóz qyzmetinen.
S.Núsipov óz sózinde, Údemeli ındýstrııalyq-ınnovatsııalyq damý baǵdarlamasynda salalyq konstrýktorlyq bıýrolar qurý máselesi qarastyrylǵanyn atap kórsetti. Jáne ol konstrýktorlyq bıýrolar paıdalanylatyn jabdyqtardyń, shyǵarylatyn ónimderdiń sapalyq qasıetterin jaqsartý, tájirıbelik-ónerkásiptik úlgilerdi jasaýda tehnıkalyq qoldaý kórsetý jónindegi qyzmetter kórsetetin bolady. Konstrýktorlyq bıýrolar sonymen qatar, roıaltı jáne basqa da qarjylyq tetikterdiń negizinde konstrýktorlyq jáne jobalaý qujattaryn ázirleý jáne berý arqyly mashına jasaýshy kásiporyndardyń jańa ónimderdi jedel engizýlerine qoldaý kórsetedi.
Búginde Injınırıng jáne tehnologııalar transferti ortalyǵynyń qatysýymen Astanada kólik mashınalaryn jasaýdyń konstrýktorlyq bıýrosy jáne Óskemende ken-metallýrgııa jabdyqtarynyń konstrýktorlyq bıýrosy qurylyp otyr. Aǵymdaǵy jyldyń tamyz aıynda Petropavlda munaı-gaz jabdyqtarynyń konstrýktorlyq bıýrosyn qurý týraly sheshim qabyldandy. Al 2011 jylǵa qaraı aýyl sharýashylyǵy mashınalaryn jasaý jáne aspaptar jasaý jónindegi konstrýktorlyq bıýrolar qurylady.
