2011 jyly Qazaqstan sheteldik saýdadan 28 mlrd. dollar tapty - QR Ekonomıkalyq yqpaldastyq isteri mınıstri
ALMATY. 13 qyrkúıek. QazAqparat - 2011 jyly Qazaqstanǵa sheteldik saýdadan 28 mlrd. dollar tústi.
Bul týraly QR Ekonomıkalyq yqpaldastyq isteri mınıstri Janar Aıtjanova búgin Almatyda ótip jatqan Halyqaralyq saýda, saýdaǵa járdemdesý jáne saýdaǵa kómek máseleleri boıynsha joǵary deńgeıdegi jahandyq taqyryptyq kezdesýde aıtty.
«Teńizge shyǵa almaıtyn elder kólik ıeleri men kórshi elderge táýeldi. Sondyqtan bizge aýmaqtyq yntymaqtastyqtyń mańyzy zor. Byltyr el ekonomıkasyna sheteldik saýdadan 28 mlrd. dollar tústi. Bizdiń saýda aınalymymyzdyń 50 paıyzy Eýropanyń 27 elimen jasalady. Sondyqtan saýda operatsııalarymyzdyń kópshiligi Reseı arqyly júrgiziledi. Óıtkeni biz tranzıttik tasymalda Reseıge táýeldi bolyp otyrmyz», - dedi J. Aıtjanova.
Onyń aıtýynsha, Qazaqstan qazir qyzmetter sektoryn damytýdy óziniń artyqshylyqty basymdyǵynyń biri etip otyr. Endi Dúnıejúzilik saýda uıymyna qosylǵan soń ózine kóptegen mindetterdi qabyldaıdy. Sondyqtan bul mindetter boıynsha qoljetimdilikti zańdastyrýmen jumys jasap, kommýnıkatsııalardy engizýdi júıeli túrde yryqtandyrmaq. Ol ekonomıkanyń damýyna yqpal etetin sapaly qyzmetterdi qalyptastyrýǵa jol ashyp, qosymsha qun salyǵyn beretin bolady.
