2011 jyly Qazaqstan ekonomıkasyna 19 mlrd. astam dollar kóleminde sheteldik ınvestıtsııa tartyldy
ASTANA. 3 mamyr. QazAqparat - Tikeleı sheteldik ınvestıtsııalar aǵymyn ári qaraı eseleý maqsatynda Qazaqstanda ınvestıtsııalyq ahýaldy zańnamalyq deńgeıde jaqsartý jónindegi sharalar qabyldanýda.
Atap aıtqanda, ınvestıtsııa salasyndaǵy ulttyq zańnamalyq baza jetildirilýde, dep habarlady pm.kz saıty.
Qazirgi tańda elimizde ınvestıtsııalar tartý, arnaıy ekonomıkalyq aýmaqtardy damytý jáne eksportty yntylandyrýdyń 2010-2014 jyldarǵa arnalǵan salalyq baǵdarlamasy, sondaı-aq shıkizattyq emes sektorǵa ınvestıtsııalar tartý jáne ınvestıtsııalyq ahýaldy jetildirý jónindegi ulttyq jospar iske asyrylyp jatyr. Atalmysh baǵdarlamalardyń aıasynda barlyq deńgeıde ınvestorlarmen jumystar júrgizilip, arnaıy ekonomıkalyq aýmaqtardy damytý qolǵa alynýda.
Máselen, Indýstrııa jáne jańa tehnologııalar mınıstrliginiń aqparaty boıynsha, 2011 jyly Qazaqstan Respýblıkasynyń ekonomıkasyna 19,9 mlrd. AQSh dollary kóleminde tikeleı sheteldik ınvestıtsııa tartylǵan, bul 2010 jylmen salystyrǵanda 10 paıyzǵa artyq. Nıderlandy (7,9 mlrd. AQSh dollary, 40 paıyz), Frantsııa (1,5 mlrd. AQSh dollary, 7,8 paıyz), Qytaı (1,2 mlrd. AQSh dollary, 5,9 paıyz), AQSh (1 mlrd. AQSh dollary, 5,2 paıyz) jáne Ulybrıtanııa (911,9 mln. AQSh dollary, 5 paıyz) elderi negizgi ınvestorlar bolyp tabylady.
Vedomstvonyń aqparaty boıynsha, tikeleı sheteldik ınvestıtsııanyń eń qomaqty úlesi - 10,8 mlrd. AQSh dollary - jyljymaıtyn múlik operatsııalaryna, 3,5 mlrd. dollar - ken óndirý ónerkásibine, 2,9 mlrd. dollar - óńdeý ónerkásibine jumsalyp otyr.
