2011 jyly Qazaqstan 88,11 mlrd. kVt/s elektr energııasyn paıdalandy

 Bul týraly búgin elordada «KEGOC» AQ-nyń basqarma tóraǵasy Baqytjan Qajıev málim etti.

Ótken jyly kompanııa Reseı jáne Ortalyq Azııa elektr jelilerimen qatar jumys istegendigin atap ótken ol: «Tolyqtaı alǵanda 2011 jyldyń qorytyndysy boıynsha Qazaqstandaǵy elektr energııasyn paıdalaný kólemi 88,11 mlrd. kVt/s, al generatsııa 86,20 mlrd. kVt/s boldy. Bul kórsetkishter ótken jylmen salystyrǵanda 5,2 jáne 4,7 paıyzǵa artyq», - dedi.

Onyń atap ótýinshe, Kegogtyń elektr energııalaryn berý boıynsha qyzmetteriniń kólemi ótken jyly 183 paıyzǵa artyp, 4104 mlrd. kVt/saǵatty, tehnıkalyq dıspetcherleý boıynsha kórsetilgen qyzmetter kólemi 80,81 mlrd kVt/saǵatty, elektr energııasyn óndiristik tutynýdy teńgerý boıynsha 145,9 mlrd. kVt/saǵatty quraǵan.

«Bul  ótken jylǵa qaraǵanda elektr energııalaryn berý boıynsha 18,3, tehnıkalyq dıspetcherleý boıynsha 6,4, al elektr energııasyn óndiristik tutynýdy teńgerý boıynsha 5,4 paıyzǵa joǵary», - dedi basqarma tóraǵasy.