2011 jyly Qaýipsizdik Keńesiniń ınspektsııasy quqyq qorǵaý organdarynyń, Qarýly Kúshter, Shekara qyzmeti, Іshki áskerler men Tótenshe jaǵdaı organdary mekemeleriniń qyzmetine taldaý júrgizedi
ASTANA. 28 qańtar. QazAqparat - Búgin Qaýipsizdik Keńesi hatshysynyń orynbasary - Hatshylyq meńgerýshisi Qozy-Kórpesh Jańbyrshınniń tóraǵalyǵymen Qazaqstan Respýblıkasy Qaýipsizdik Keńesi ınspektsııasynyń otyrysy boldy.
Otyrysta ınspektsııanyń byltyrǵy jylǵy qyzmeti qorytyndylanyp, 2011 jyldyń mindetteri aıqyndaldy.
Máselen, 2010 jyly Qaýipsizdik Keńesi ınspektsııasy áskerı qyzmetkerlerdi turǵyn úımen qamtamasyz etý zańdylyǵynyń saqtalýy, kúsh-qýat organdary bıýdjetteriniń oryndalýy, Memlekettik shekaranyń kúzetilýi jáne qylmystyq-atqarý júıesiniń mekemelerin tekserý jumystaryn atqardy.
Tekserý nátıjeleri men qorytyndylary Memleket basshysyna baıandaldy.
Aǵymdaǵy jyly óńirlerde ornalasqan quqyq qorǵaý organdarynyń, Qarýly Kúshter, Shekara qyzmeti, Іshki áskerler men Tótenshe jaǵdaı organdary mekemeleriniń qyzmetine taldaý júrgizedi. Kúsh-qýat organdary júrgizetin memlekettik satyp alý salasyndaǵy máseleler zerdelenedi. Inspektsııa oq-dárilerdiń, qarý-jaraqtardyń jáne áskerı tehnıkalardyń saqtalýyna baqylaýdy jalǵastyratyn bolady.
Inspektsııa múshelerine 2011 jylǵa arnalǵan Josparda kózdelgen is-sharalar oryndaýdy uıymdastyrý jóninde tapsyrmalar berildi.
