2011 jyly ІJÓ ósimi 7 paıyz deńgeıinde boljanyp otyr - Q. Kelimbetov
TANA. 13 qyrkúıek. QazAqparat /Rýslan Ǵabbasov/ - Búgin Úkimet otyrysynda Qazaqstannyń 2011 jylǵa arnalǵan áleýmettik-ekonomıkalyq damýynyń boljamy naqtylandy.
Ekonomıkalyq damý jáne saýda mınıstri Qaırat Kelimbetovtiń sózine qaraǵanda, syrtqy jáne ishki faktorlardy eskere otyryp 2011 jyly ekonomıka ósimi 7 paıyz deńgeıinde baǵalanyp otyr. Bul kórsetkish aqpan aıyndaǵy boljamnan 2 paıyzdyq tarmaqqa joǵary. Naqtylanǵan baǵalaý boıynsha 2011 jyly ónerkásip óniminiń kólemi 6 paıyzǵa ósedi. Bul aldynda boljanǵan kórsetkish máninen 1,2 paıyzdyq tarmaqqa artyq. Sonymen qatar eksport kólemi boljam boıynsha 76,3 mlrd. AQSh dollaryn qurap, budan burynǵy maquldanǵan boljammen salystyrǵanda 17,2 mlrd. AQSh dollaryna joǵary bolady. Taýar ımporty boljamy boıynsha 38,4 mlrd. AQSh dollaryna jetedi.
