2011 jyly eýropalyq baǵytqa tasymaldanatyn qazaqstandyq munaıdyń kólemi 52,5 mln. tonnaǵa jetedi - S. Myńbaev
/strong>Qazannyń 5-i. QazAqparat /Marlan Jıembaı/ - 2011 jyly eýropalyq baǵytqa tasymaldanatyn qazaqstandyq munaıdyń kólemi 52,5 mln. tonnaǵa jetetin bolady. Bul týraly búgin Astanada ótip jatqan «KAZENERGY» besinshi eýrazııalyq forýmynda QR Munaı jáne gaz mınıstri Saýat Myńbaev málim etti.
Onyń atap ótýinshe, Kaspıı qubyr jelisi konsortsıýmy (KQK) qubyryn keńeıtý boıynsha aktsıonerlerdiń prıntsıpti sheshimi bar. Aǵymdaǵy jyldyń sońyna deıin sońǵy ınvestıtsııalyq sheshim qabyldanatyn bolady. Bul jerde áńgime ózegi qarjylandyrýdy josparlaý, jobalyq-smetalyq qujattamasyn ázirleý, ıaǵnı tehnıkalyq máseleler bolyp otyr. «Munaı- gaz tasymaldaý qubyrlaryn keńeıtý arqyly kelesi jyly tasymaldaý kólemin 27 mıllıonnan 52,5 mıllıonǵa deıin jetkiziledi. Bul eýropalyq baǵyt», dedi mınıstr óz sózinde.
S. Myńbaevtyń aıtýyna qaraǵanda, Qytaı baǵytynda qazirdiń ózinde munaı tasymaldaý qýaty 10 mln. tonnany quraıdy. Ony 20 mln. tonnaǵa jetkizý maqsatynda eki el arasyndaǵy arnaıy kelisimge de qol qoıylǵan. Mınıstrdiń paıymynsha, 2011 jyly bul baǵytta munaı ótkizý múmkindigi 12 mıllıon tonnaǵa jetedi dep kútilýde. «Qoldanystaǵy basqa da barlyq eksporttyq marshrýttar boıynsha qýattylyǵyn arttyrýǵa belgili bir múmkindikter bar», dep túıindedi mınıstr.
