2011 jyly engiziletin saqtandyrý syıaqysyn esepteý kezindegi qosymsha koeffıtsentterdi qoldaný tártibi belgilenýde - Alına Aldambergen
ALMATY. Naýryzdyń 18-i. QazAqparat /Erlik Erjanuly/ - Búgin Almatyda ótip jatqan Ortalyq Azııadaǵy saqtandyrý týraly IV halyqaralyq konferentsııada QR Qarjy naryǵy men qarjy uıymdaryn retteý jáne qadaǵalaý agenttigi tóraǵasynyń orynbasary zańdy júzege asyrý aıasynda jańadan qabyldanatyn zań aktilerimen tanystyrdy,
dep habarlaıdy QazAqparat.
«Saqtandyrý uıymdarynyń qyzmetin júzege asyrýda naryqtaǵy qatysýshylar arasyndaǵy ózara qarym-qatynasy men deldaldyq qyzmetti júzege asyrýdaǵy saqtandyrý agenti ókildiginiń talaptary belgilenýde. Kólik quraldarynyń ıeleri týraly málimetti málimetter bazasyn qalyptastyrýdy uıymdastyrý uıymyna jetkizýshige usynylatyn aqparattary aıqyndalýda. Sondaı-aq saqtandyrý polısin rásimdeý men saqtandyrý polısi blankisin ázirleýdiń talaptary maquldanady. Sondaı-aq 2011 jyly engiziletin saqtandyrý syıaqysyn esepteý kezindegi qosymsha koeffıtsentterdi qoldaný tártibi belgilenedi», deıdi QR Qarjy naryǵy men qarjy uıymdaryn retteý jáne qadaǵalaý agenttigi tóraǵasynyń orynbasary Alına Aldambergen. Onyń aıtýynsha, «Saqtandyrý tólemderiniń kepildik berý qory» AQ-nyń qyzmetin jáne ózara saqtandyrý qoǵamdarynyń qyzmetin retteıtin normatıvtik quqyqtyq aktiler maquldanyp otyr. Al múlikti baǵalaý qyzmetin júzege asyrý boıynsha lıtsenzııasy bar baǵalaýshyny akkredıtatsııadan ótkizýdiń tártibi bekitilip jatyr.
