2011 jyly el kásiporyndaryna 54,5 myń adam qabyldanyp, 70,2 myńy jumystan ketti - Statıstıka agenttigi
ASTANA. 12 qańtar. QazAqparat /Qanat Mámetqazyuly/ - Jedel derekterge sáıkes, iri jáne orta kásiporyndarǵa jáne uıymdarǵa 2011 jylǵy jeltoqsanda 54,5 myń adam qabyldandy,
túrli sebeptermen 70,2 myń adam jumystan ketti. Bul týraly Statıstıka agenttiginiń baspasóz qyzmetinen habarlandy.
Jumystan ketken qyzmetkerlerdiń arasynda óz erki boıynsha jumystan bosatylǵandar 73,5 paıyz, qyzmetkerler sanynyń qysqarýyna baılanysty -2,7 paıyz, basqa sebepter boıynsha - 23,8 paıyzdy quraıdy.
2011 jylǵy jeltoqsan aıynda qabyldaý boıynsha aınalym koeffıtsıenti 1,8 paıyzdy, jumystan bosatý boıynsha aınalym - 2,3 paıyzdy, jumys kúshiniń turaqsyzdyq koeffıtsıenti - 1,7 paıyzdy qurady. Sonymen qatar, osy kezeńde jumys kúshin aýystyrý koeffıtsıenti 77,7 paıyzdy qurady.
