2011 jyly ekonomıkanyń ósimi 5 paıyz deńgeıinde bolady dep baǵalanyp otyr - J.Aıtjanova
ASTANA. 16 aqpan. QazAqparat /Rýslan Ǵabbasov/ - 2011 jyly ekonomıkanyń ósimi 5 paıyz deńgeıinde bolady dep baǵalanyp otyr.
Bul týraly búgin 2011 jylǵa arnalǵan makroekonomıkalyq kórsetkishter boljamyn naqtylaý týraly Úkimet otyrysynda Ekonomıkalyq damý jáne saýda mınıstri Janar Aıtjanova málim etti.
«Aǵymdaǵy jyl basynan baıqalǵan ekonomıka salalarynyń damý serpinin jáne kútilip otyrǵan syrtqy ahýaldy eskere otyryp, 2011 jyly ekonomıkanyń ósýi 5 paıyz deńgeıinde bolady dep baǵalanyp otyr. Bul ótken jyldyń (3,1 paıyz) boljamynan 1,9 paıyzdyq tarmaqqa joǵary. Nomınaldy mánindegi ishki jalpy ónimniń boljamy 2 567, 6 mlrd. teńgege ulǵaıýy jaǵyna qaraı túzetildi»,-dep atap ótti mınıstr.
J. Aıtjanovanyń sózine qaraǵanda, baǵa aýytqýyn eskere otyryp, munaıdyń 2011 jylǵy ortasha álemdik baǵasy 1 barreline 65 AQSh dollary deńgeıinde saqtalady. Sondaı-aq 2010 jylmen salystyrǵanda álemdik naryqtarda aýyl sharýashylyǵy ónimderi men metalǵa belgilengen baǵa ortasha jyldyq mánnen joǵary deńgeıde bolady dep kútilip otyr.
