2011 jyly bilim jáne ǵylym salasy boıynsha 7 zań qabyldandy
ASTANA. 31 qańtar. QazAqparat - 2011 jyly Qazaqstanda bilim jáne ǵylym salasy boıynsha 7 zańǵa qol qoıyldy,
dep habarlady Bilim jáne ǵylym mınıstrliginiń baspasóz qyzmetinen Pm.kz saıtyna.
«2011 jyly Elbasy Nursultan Nazarbaev bilim jáne ǵylym salasyna qatysty 7 zańǵa qol qoıdy»,-delingen vedomstvo habarlamasynda.
Atap aıtqanda, «Ǵylym týraly», «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgertýler engizý týraly», «Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly», «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgertýler men tolyqtyrýlar engizý týraly», «Bilim berý týraly» QR Zańyna ózgertýler men tolyqtyrýlar engizý týraly», «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Tehnıkalyq jáne kásiptik bilim berýdi jańǵyrtý jobasy) ratıfıkatsııalaý týraly», «Qazaqstan Respýblıkasynyń keıbir zańnamalyq aktilerine otbasylyq úlgileri balalar derevnıalary jáne jasóspirimder úıleri máseleleri boıynsha ózgertýler men tolyqtyrýlar engizý týraly» QR Zańdaryna qol qoıdy.
Sondaı-aq Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi 2011-2015 jyldarǵa arnalǵan is-sharalar jospary (I kezeń) jáne «Bilim berý týraly» QR Zańyn júzege asyrýǵa qatysty 44 qaýlynyń jobasy bekitildi.
