2011 jyly aýyl sharýashylyǵy óniminiń jalpy kólemi 5 paıyzǵa ósedi degen boljam bar
ASTANA. 16 aqpan. QazAqparat /Rýslan Ǵabbasov/ - 2011 jyly aýyl sharýashylyǵy óniminiń jalpy kólemi 5 paıyzǵa ósedi.
Bul týraly búgin bıylǵy jylǵa arnalǵan makroekonomıkalyq kórsetkishter boljamyn naqtylaý týraly Úkimet otyrysynda Ekonomıkalyq damý jáne saýda mınıstri Janar Aıtjanova málim etti.
«Mınıstrliktiń baǵalaýy boıynsha, aýyl sharýashylyǵy mınıstrligi boljap otyrǵan astyq pen mal sharýashylyǵy óniminiń ósýin eskersek, 2011 jyly aýyl sharýashylyǵy óniminiń jalpy kólemi 5 paıyzǵa ósedi degen boljam bar»,-dep atap ótti mınıstr.
Osy oraıda ol bul kórsetkish budan burynǵy maquldanǵan kórsetkishten 1,3 paıyzdyq tarmaqqa joǵary bolyp otyrǵandyǵyn jetkizdi. Munymen qosa J. Aıtjanovanyń aıtýynsha, naqtylanǵan baǵalaý boıynsha 2011 jyly ónerkásip óniminiń kólemi 4,8 paıyzǵa ósedi. Bul aldynda boljanǵan kórsetkish mániniń 1,2 paıyz tarmaqqa artyq.
