2011 jyly Astananyń zamanaýı klınıkalarynda 250-den astam sheteldik emdeldi
ASTANA. 9 qańtar. QazAqparat - Ótken jyly «Ulttyq medıtsınalyq holdıngi» AQ-nyń enshiles uıymdarynda 250-den astam sheteldik emdeldi, dep habarlady holdınginiń baspasóz qyzmeti.
«Ótken jyldyń 11 aıynyń ishinde klınıkalarda 28 841 patsıent, sonyń ishinde 268 sheteldik emdeldi. Patsıentterge 526 464 konsýltatıvtik-dıagnostıkalyq qyzmet, sonyń ishinde 232 231 aqyly qyzmet kórsetildi», - delingen habarlamada.
Sondaı-aq holdıng aımaqtardaǵy patsıentterdiń úlesi ósip, 56 paıyzdy quraǵanyn atap ótti, bul 2010 jylǵy kórsetkishten 11 paıyz kóp. Osy kezeńde holdıng klınıkalarynda 27 ınnovatsııalq tehnologııalar engizilip, olardyń kómegimen 2556 syrqat janǵa kómek berildi.
