2011 jyly Astanada 33 balabaqsha iske qosylyp, 5 orta mekteptiń qurylysy bastalady - qala ákimi
TANA. 23 tamyz. QazAqparat /Gúlmıra Alıakparova/ - 2011 jyly Astanada túrli tıptegi 33 mektepke deıingi mekeme iske qosylyp, 5 orta mekteptiń qurylysy bastalady.
Bul týraly búgin bilim salasy qyzmetkerleriniń tamyz máslıhatynda qala ákimi Imanǵalı Tasmaǵambetov málim etti.
Elorda basshysy atap kórsetkendeı, 2011 jyly Astana qalasynyń bilim salasyna jalpy 16 mlrd. 074 mln. teńge bólindi. Bul 2008 jylmen salystyrǵanda eki esege kóp (7 mlrd. 853 mln. teńge).
«2011 jyly túrli tıptegi 33 mektepke deıingi mekeme iske qosylady. Sol arqyly, búgingi tańda balabaqshamen qamtylyp otyrǵandarǵa taǵy 9 095 oryn qosylady», - dep atap ótti ákim.
Aıta keteıik, búgin Astana qalasynda 49 myń baldyrǵan balabaqsha kezeginde tur, olardyń 18 525-i -balabaqshany shuǵyl qajet etetinder.
«Sondaı-aq, 2011 jyly Astanada oqýshylardyń oryn tapshylyǵyn 18 myńnan 12 myńǵa deıin qysqarttyq. Tek ótken jyldyń ózinde 5 myńǵa jýyq jańa oqýshy orny quryldy. 2 mektep paıdalanýǵa berildi jáne taǵy bir bilim mekemesiniń qurylysy aıaqtaldy. Al bıyl biz taǵy 5 mekteptiń qurylysyn bastaımyz», - dedi Tasmaǵambetov.
Sonymen birge, bıyl qala ákimdigi jóndeýdi qajet etetin 26 mekteptiń 11-iniń aýlasyna jóndeý jumystaryn júrgizdi. Bul maqsatqa bıýdjetten 600 mln. teńge qarajat jumsaldy. Jabdyqtalý jaǵynan, búgin elordanyń barlyq orta bilim beretin mektebi ınternetke qosylǵan, fızıka, bıologııa, mýltımedıalyq kabınetter, elektrondy kitaphanalar jáne taǵy basqalary tolyǵymen jańartyldy.
