2011 jyly Almatyda máselesi sheshilmegen 3376 úlesker ǵana bolady - qala ákiminiń orynbasary

ALMATY. 28 jeltoqsan. QazAqparat /Erlik Erjanuly/ - Almatyda 2007 jyldyń qyrkúıeginde 16 200 úleskeri bar 132 turǵyn úı kesheni boldy. Qazirgi tańda 10 636 úleskerdiń máselesi sheshildi. Bul týraly búgin qalalyq ákimdikte ótken "Memlekettik tapsyrys-2011" aktsııasy kezinde aıtyldy.

"Memlekettiń qarjylaı qoldaýymen "Samuryq-Qazyna" qory jelisi arqyly 2452 úleskeri bar 11 turǵyn úı kesheni paıdalanýǵa berildi. Stresti aktıvter qory jelisi arqyly 2 turǵyn úı kesheni paıdalanýǵa berildi. Onda 405 úlesker baspanaly boldy. 2010 jyly bekitilgen jospar boıynsha 4625 úleskeri bar 15 turǵyn úı kesheni qurylysy aıaqtalady", -dedi qala ákiminiń orynbasary Vıktor Doljenkov.

Onyń aıtýynsha, aldaǵy jyly Almatyda máselesi sheshilmegen 3376 úlesker qalady. "Samuryq-Qazyna" qory jelisi arqyly jalǵa beriletin baspana boıynsha, "Bes tulǵa", "Oskar", "Jaıly-3", "Etalon" turǵyn úı keshenderi salynýda.