2011 jyly Almatyda 4-5 elektr stansysy kúrdeli jóndeýden ótedi
ALMATY. 24 jeltoqsan. QazAqparat /Erbol Azanbek/ - 2010 jyldyń qorytyndysyna sáıkes energokeshen boıynsha Almatynyń jalpy bıýdjeti 80 mıllıard teńge shamasynda boldy.
Bul týraly jańa eletr stansylarymen tanystyrý barysynda qalanyń energetıka jáne kommýnaldyq sharýashylyq basqarmasynyń bastyǵy Serik Qusaıynov málim etti.
Onyń aıtýynsha, 40 mıllıard teńgege jýyq qarjy elektr júıeleri men stansylarǵa baǵyttalǵan. «Biz elektr energııasymen Azııada oıyndary nysandaryn tolyqtaı qamtamasyz ettik. Aldaǵy ýaqytta eskirgen elektr stansylary men elektr aıyrýshy júıelerdi qaıta jańǵyrtýdy jalǵastyramyz. Jumystar bastaldy, eger Úkimetten qosymsha qarjy bólinse, jelilerdi jóndeý jalǵasady»,- dedi S.Qusaıynov.
Onyń sózine qaraǵanda, 2011 jyly 4-5 elektr stansysy jóndelmek.
Bıylǵy jyly 4 jańa elektr stansysy - PS-220/110/10kVt «Ermensaı», PS-110/10-10kVt «KazGÝ», PS-110/10-10kVt «Medeý» PS-110/10-10kVt «Shymbulaq» paıdalanýǵa berilgen bolatyn. Bul zamanaýı quraldarmen jabdyqtalǵan, joǵary senimdilik pen qaýipsizdikke ıe transformatorlarda tuńǵysh ret 110kVt kabeldik jelisi paıdalanylǵan.
