2011 jyly álem qarýlanýǵa 1,7 trln. AQSh dollaryn jumsady
ASTANA. 16 qyrkúıek. QazAqparat - 2011 jyly álemde qarý-jaraqtanýǵa shyǵyndar 1,7 trln. AQSh dollaryn qurady,
dep habarlaıdy Reseılik jańalyqtar. Bundaı málimetterdi BUU Bas hatshysy Pan Gı Mýn «álem mádenıeti» máselesi boıynsha dúnıejúzilik uıymynyń Bas Assambleıasyndaǵy joǵary deńgeıli forýmda aıtty.
«BUU-nyń álemniń jahandyq mıssııalaryna, adam quqyn qorǵaý jáne bir jyldaǵy damýǵa jumsaıtyn qarjysyna qaraǵanda, barsha álem bir kúnde qarý-jaraqtanýǵa eki esege jýyq artyq shyǵyndanady»,-dep atap ótti ol.
Pan Gı Mýn bul ashtyqta ómir súrip jatqan adamzat úshin, aýyz sýdyń jetkiliksiz bolýynan ólim-jitimge ushyrap jatqan balalar úshin, mınalardyń kesirinen egis alqaptaryn baptaýǵa qaýqarsyz sharýalar úshin qarý-jaraqqa degen shyǵystardyń kesapaty óte aýyr salmaq túsiretinin qadap aıtty.
Onyń paıymynsha, bundaı shyǵystar adamgershilikke múldem jat. Osy oraıda Bas hatshy qarýsyzdandyrý óziniń jumysynyń «negizgi basymdyǵy» bolatynyn jetkizdi.
