2011 jyly AQSh úshin Qyrǵyzstannnyń «Manas» áýejaıynda áskerı bazasyn ustaýdyń qajeti bolmaýy múmkin
ASTANA. Maýsymnyń 3-i. QazAqparat /Ernur Aqanbaı/ - 2011 jyly AQSh úshin Qyrǵyzstannnyń «Manas» áýejaıynda áskerı bazasyn ustap turýdyń qajeti bolmaýy múmkin. Bul týraly búgin Astanada baspasóz máslıhatynda Qyrǵyzstannyń Qazaqstandaǵy Tótenshe jáne Ókiletti elshisi Janysh Rústenbekov aıtty,
dep habarlaıdy QazAqparat.
«Qyrǵyzstannyń Ýaqytsha úkimeti AQSh-tyń Bishkektegi áskerı bazasyn ustap turý merzimin 2011 jylǵa deıin uzartatynyn aıtty. Meniń oıymsha, biz referendým ótkizip, quqyqtyq alańǵa qaıta oralǵasyn, ıaǵnı Prezıdentti, Úkimetti jáne Parlamentti zańdy jolmen saılaǵannan keıin bul máseleniń keleshektegi taǵdyry sheshiletin bolady. Sebebi, jańa Konstıtýtsııa boıynsha syrtqy saıasatty Parlament anyqtaıtyn bolady. Sondyqtan da bul máseli endi olar (Parlament) talqylýy qajet», dedi Elshi.
Osy oraıda J. Rústenbekov ol ýaqytqa deıin jaǵdaı ógeretinin atap ótti. «Amerıkandyqtar 2011 jyly Aýǵanstannan ketýge qulyq tanytyp otyr. Sondyqtan da olar úshin sonshama kúshti Bishkekte ustap turýdyń qajeti de bolmaı qalatyn shyǵar», dedi ol. «Bizdiń Ýaqytsha Úkimet Bishkektegi áskerı bazany ustap turý merzimin 2011 jylǵa deıin uzartý jóninde sheshim qabyldady. Ýaqyty kelgende kórermiz. Bizde bári tez ózgeredi ǵoı», dedi qyrǵyz elshisi.
