2011 jyly 65 myńnan astam qazaqstandyq aqysyz zańgerlik kómek alý quqyǵyn paıdalandy
ASTANA. 26 qańtar. QazAqparat - 2011 jyly 65 myńnan astam azamat ózderiniń aqysyz zańgerlik kómek alý quqyǵyn paıdalandy (2010 jyly 62 myńnan astam azamat).
Bul týraly QR Ádilet mınıstrliginiń baspasóz qyzmeti habarlap otyr.
Qorǵaýshylar sotta bul kómekti respýblıkalyq bıýdjet qarajaty esebinen kórsetti.
Qorǵaýshylar memleket esebinen zańgerlik kómek kórsetý barysynda azamattardyń quqyqtary men múddelerin qorǵaý boıynsha barlyq sharalardy qabyldaıdy.
Mysaly, óz boryshyn adal atqarǵany jáne biliktilik tanytqany úshin Aqmola oblysy advokattar alqasynyń qorǵaýshysy N.E.Islamǵalıevanyń, L.A.Panteleevanyń, S.E.Júsipovanyń, M.S.Qodashevanyń, M.K.Shúkenovanyń, A.N.Shamıǵannyń, J.K.Qusaıynovanyń, V.N.Verıaskınanyń, A.B.Bekenovanyń, T.K.Sháımerdenovanyń, E.I.Panteleevanyń, T.R.Shaıdýllınanyń qyzmetteri Aqmola oblysy boıynsha qylmystyq ister jónindegi mamandandyrylǵan sottyń jeke uıǵarymymen atap ótildi.
