2011 jyly 5 myń aýyl turǵyny kásipkerlik negizderin oqyp-úırendi

ASTANA. 12 naýryz. QazAqparat - «Jumyspen qamtý-2020» baǵdarlamasynyń «Aýyldaǵy kásipkerlikti damytýdy qoldaý» baǵyty boıynsha byltyr 4 690 adam kásipkerlik negizderin oqyp-úırendi, dep habarlady

Eńbek jáne halyqty áleýmettik qorǵaý mınıstrliginiń baspasóz qyzmetine silteme jasaǵan QR Premer-mınıstriniń pm.kz saıty. 

«Aýyldaǵy kásipkerlikti damytýdy qoldaý» baǵytynyń aıasynda 4690 adam kásipkerlik negizderin oqyp-úırendi»,- delingen vedomstvo habarlamasynda. 

Oǵan qosa, Baǵdarlamaǵa qatysýshylarǵa shaǵyn nesıe berýge 2011 jyly 3 569 mln. teńge bólinip, ol qarjynyń barlyǵy mıkroqarjylyq uıymdarǵa jetkizildi.  

«2011 jyly Baǵdarlamanyń 1435 qatysýshysy nesıe aldy jáne olar alǵan shaǵyn nesıelerdiń ortasha somasy 1,8 mln. teńgeni qurady»,- delingen mınıstrlik aqparatynda.  

Shaǵyn nesıeler  kásipkerlikti damytýdyń basym baǵyttarynda óz isterin ashýdy josparlap otyrǵan nemese óz sharýalaryn júrgizip jatqan  qatysýshylarǵa berildi.