2011 jyly 20 myń oqýshy «Jas Ulan» uıymyna múshe boldy
ASTANA. 15 qańtar. QazAqparat - Elbasynyń tapsyrmasy boıynsha jalpy bilim beretin mektepterde «Jas Ulan» Biryńǵaı balalar men jasóspirimder uıymy quryldy, dep habarlady QR Bilim jáne ǵylym mınıstrliginen Pm.kz saıtyna.
«Jas Ulan» - balalar men jastardy otansúıgishtikke baýlýǵa baǵyttalǵan biregeı joba. Jańa jastar uıymy eki satydan turady, 1-4 synyptaǵylardy (6-10 jas aralyǵyndaǵy) balalardyń basyn biriktiretin «Jas qyran» bóliminen, 5-10-synyp oqýshylaryn (11-16 jasar jasóspirimder) biriktiretin «Jas ulan» bóliminen», - delingen vedomstvo habarlamasynda.
2011 jyly 20 myńdaı bala men jasóspirim «Jas Ulan» uıymyna múshe boldy.
Qazirgi tańda respýblıkada jastar saıasatyn tabysty júzege asyryp otyrǵan jastardyń 19 resýrstyq jobalar bar. 2011 jyly «Aýyl jastary» jalpyulttyq bastamasy, «Jastardyń kadrlyq rezervi», «Jastar - Otanǵa», «Dıplommen - aýylǵa», «Jasyl el» jobalary júzege asyryldy.
