2011 jyly 104 kolledj ındýstrııalyq jobalardyń bazalyq oqý oryndary bolyp anyqtaldy
ASTANA. 9 qańtar. QazAqparat - 2011 jyly Qazaqstan Úkimeti áleýmettik jańǵyrtýdyń negizin salýǵa baǵyttalǵan Memlekettik bilim berýdi damytý baǵdarlamasyn júzege asyrýdy qolǵa aldy.
Qazirgi tańda osy baǵdarlama aıasynda kásiptik jáne tehnıkalyq bilim berý júıesi jetildirilip jatyr, bul - eldi ındýstrııalandyrý qajettiliginen týyndaǵan is-shara, dep habarlady Bilim jáne ǵylym mınıstrliginiń baspasóz qyzmetinen Pm.kz saıtyna.
«2011 jyly tehnıkalyq jáne kásiptik bilim beretin 104 oqý mekemesi ındýstrııalandyrýdyń árbir jobasy úshin bazalyq bolyp anyqtaldy», - dep atap kórsetiledi vedomstvo aqparatynda.
Bıznesti tehnıkalyq jáne kásiptik bilim berýge tartý Memlekettik ındýstrııalyq-ınnovatsııalyq damý baǵdarlamasynda aıqyndalǵanyn aıta ketý kerek.
Oǵan qosa, kásiptik-tehnıkalyq bilim berýdiń qoljetimdi bolýyn qamtamasyz etý maqsatymen Qazaqstanda kadrlar daıarlaý men qaıta daıarlaıtyn tórt óńiraralyq ortalyqtyń qurylysy júrip jatyr. Atap aıtsaq, Atyraý qalasynda munaıgaz salasy úshin kadrlardy daıarlaý men qaıta daıarlaý jónindegi óńiraralyq ortalyqtyń qurylysy aıaqtalýǵa jaqyn. Ekibastuzdaǵy otyn-energetıkalyq salasynda tehnıkalyq jáne qyzmet kórsetý eńbegi úshin jáne Óskemen qalasynda mashına jasaý salasy úshin kadrlardy daıarlaý men qaıta daıarlaý jónindegi óńiraralyq ortalyqtardyń qurylysy jalǵasýda. Aǵymdaǵy jyldyń qarasha aıynda Shymkent qalasynda óńdeýshi ónerkásip salasy úshin óńiraralyq ortalyqtyń qurylysy bastaldy.
«2015 jylǵa qaraı kásiptik-tehnıkalyq bilim beretin memlekettik oqý mekemeleriniń 75 paıyzy zamanaýı oqý-óndiristik jáne tehnologııalyq qurylǵylarmen, sondaı-aq aqparattyq tehnologııalarmen jańadan jabdyqtalady. Bul maqsattar úshin 11206,2 mln. teńge jumsaý kózdelgen. 2011 jyly tehnıkalyq jáne kásiptik bilim beretin oqý oryndarynyń materıaldyq-tehnıkalyq bazasyn nyǵaıtýǵa 2283,2 mln. teńge jumsaldy», - dep atap kórsetiledi mınıstrliktiń aqparatynda.
Sondaı-aq, Qazaqstanda 147 kásibı standart daıyndaý jumysy bastalǵanyn aıta ketken jón. 2010 jyldyń ózinde-aq 65 mamandyq boıynsha Memlekettik jalpyǵa mindetti bilim berý standarty daıyndaldy, 720 pán boıynsha tıptik oqýlyq baǵdarlama, sondaı-aq birneshe biliktilik boıynsha bir mamandyq alý úshin 39 modýldik baǵdarlama ázirlendi.
«2011 jyly tehnıkalyq jáne kásiptik bilim berý uıymdarynyń 122 myńnan astam túlegine (nemese 100 paıyz) biliktilik berýmen qatar 150 mamandyq boıynsha kásibı daıyndyq deńgeılerine baǵalaý júrgizildi. Baǵalaý nátıjesi boıynsha 86 924 (nemese70,9 paıyz) túlek synaqtyń birinshi satysynan-aq biliktilikterin dáleldedi», - dep habarlady mınıstrlikten.
Qazaqstanda qurylǵan «Kásipqor» holdıngi Astana, Almaty, Aqtóbe, Shymkent qalalarynda álemdik deńgeıdegi kolledjder qurýmen qatar, tehnıkalyq jáne kásiptik bilim berý júıesine korporatıvti basqarýdyń ozyq ádisteri men úlgilerin engizýdi qolǵa alatyn bolady.
