2011 jylǵy sáýirde Qazaqstanda ınflıatsııa 0,5%-dy qurady
ASTANA. 3 mamyr. QazAqparat - 2011 jylǵy sáýirde Qazaqstan Respýblıkasyndaǵy ınflıatsııa 0,5%-dy qurady, dep habarlady QR Statıstıka agenttigi.
«Baǵa azyq-túlik taýarlaryna ótken aıda - 1%, azyq-túlik emes taýarlarǵa 0,2%-ǵa ósti, aqyly qyzmet kórsetýler ózgerissiz qaldy», delingen taratylǵan habarlamada.
Ótken aıda baǵanyń ósýi nan jáne jarma ónimderine - 1,1%, al jarmalarǵa - 3,6%, makaron ónimderine - 1,4%, unǵa - 1,3%, toqash jáne unnan daıyndalatyn kondıter ónimderine - 1,2%, nanǵa 0,9%-ǵa belgilendi. Baǵa jumyrtqaǵa - 3,4%, qantqa - 2%, et jáne qus etine - 1,5%, kúnbaǵys maıyna - 1,3%, kondıterlik ónimderge - 1,2%, jańa jınalǵan jemister men kókónisterge - 1,1%, irimshik jáne súzbege - 0,8%, alkogolsiz sýsyndarǵa 0,7%-ǵa ósti. Baǵanyń tómendeýi kúrishke - 0,6%, kartopqa - 1,3%, shıki sútke 2,9%-ǵa tirkeldi.
Baǵa ósimi farmatsevtıka ónimderine - 0,2%, jeke kútimge arnalǵan taýarlarǵa, kıim jáne aıaq kıimge - 0,3%-dan, jýǵysh jáne tazalaǵysh quraldarǵa - 0,5%, tsementke 0,6%-dy qurady. Baǵa benzınge 0,4%-ǵa ósti, al dızel otynyna 0,8%-ǵa tómendedi.
Shashtarazdardyń qyzmetterine - 0,6%, meıramhanalar men qonaq úıler - 0,5%, alys qashyqtyqqa qatynaıtyn jolaýshylardyń temir jol kóligi - 0,4%, densaýlyq saqtaý men mádenıet 0,3%-dan qymbattady.
Turǵyn úı kommýnaldyq qyzmet kórsetýler salasynda tarıfter sýyq sýǵa - 1,2%, ortalyqtan jylytý jáne ystyq sýǵa - 0,3%-dan, kárizge - 0,2%-ǵa tómendedi, al úlestirý jeliler boıynsha tasymaldanatyn gazǵa 0,6%, qoqys jınaýǵa 1%-ǵa ósti.
