2011 jylǵy respýblıkalyq bıýdjetten zeınetaqyny kóterýge 196 mlrd. teńge kózdelip otyr - G. Ábdihalyqova
ASTANA. 25 qarasha. QazAqparat /Qanat Mámetqazyuly/ - 2011 jylǵy respýblıkalyq bıýdjetten zeınetaqyny kóterýge 196 mlrd. teńge kózdelip otyr.
Bul týraly búgin QR Parlamenti Senatynyń jalpy otyrysynda «Qazaqstan Respýblıkasynda zeınetaqymen qamsyzdandyrý týraly» zańyna ózgerister engizý týraly» zań jobasy boıynsha baıandama jasaǵan Eńbek jáne halyqty áleýmettik qorǵaý mınıstri Gúlshara Ábdihalyqova málim etti.
«Atap aıtqanda, kelesi jyldan bastap respýblıkalyq bıýdjetten bazalyq zeınetaqyny kóterýge 46 mlrd. teńge, barlyq sanattaǵy zeınetaqyny kóterýge 149 mlrd. teńge qarastyrylǵan. Bulardyń barlyǵy 196 mlrd. teńgeni qurap otyr», - dedi Gúlshara Ábdihalyqova.
Mınıstrdiń keltirgen málimetterine qaraǵanda, búgingi kúni respýblıkamyzda 1 mln. 650 myńǵa jýyq zeınetker bar. Olardyń ishinde 500 myńǵa tarta zeınetker eń tómengi zeınetaqy jáne odan sál ǵana joǵary zeınetaqy alady. Al ortasha zeınetaqy alatyndar sany 500 myńǵa jýyq. Al eń joǵary zeınetaqyny 90 myń ǵana adam alady. Zeınetkerlerdiń 20 paıyzy Keńes odaǵy ýaqytynda zeınetke shyqqandar bolsa, qalǵany 1990 jyldan bastap zeınetaqy alyp kele jatyr eken.
