2011 jylǵy maýsymda Qazaqstanda 56 106 jeńil avtokólik tirkeýden ótti - Á.Smaılov
TANA. 15 tamyz. QazAqparat /Gúlmıra Alıakparova/ - 2011 jylǵy maýsymda respýblıkada 56 106 jeńil avtokólik tirkeýden ótti. Bul týraly búgin ótken brıfıngide QR Statıstıka agenttiginiń tóraǵasy Álıhan Smaıylov málim etti.
Á.Smaıylov anyqtap bergendeı, bul sandarǵa elge syrttan jańadan ákelingen jáne ishki naryqta satyp alynyp, tirkelgen kólikter kiredi.
«Aǵymdaǵy jyldyń maýsym aıynda elde 56 106 jeńil avtokólik tirkeýden ótti. Bul ótken jyldyń sáıkes aıyna qaraǵanda 23 paıyzǵa joǵary. 2011 jyldyń 1 shildesindegi jaǵdaı boıynsha jeńil kóliktiń barlyq sany 3 mıllıon 350 myń birlikti quraıdy», - dep atap ótti ol.
Statıstıkalyq málimetterge súıensek, maýsymda temir tulparlar Almaty qalasynda eń kóp tirkelgen. Olardyń sany 8 310-dy quraıdy. Odan keıingi orynda Astana qalasy (6 189 birlik), Ońtústik Qazaqstan oblysy (5 911), Almaty oblysy (5 666), Shyǵys Qazaqstan oblysy (4 405) tur.
Taratylǵan málimetter boıynsha qazaqstandyqtar shyǵý jyly jańa mashınalarǵa aýysa bastaǵanyn kórsetip otyr. Eger 2010 jyldyń maýsym aıynda tirkelgen 45 592 kóliktiń 35 541-i qoldanylǵanyna 10 jyldan asqan kólikterdi qurasa, bıylǵy maýsymda resimdelgen 56 106 kóliktiń arasynda osy merzimdegi temir tulparlar sany 29 273 birlik. Sonymen birge, qoldanylǵanyna 3 jyldan asqan, biraq 7 jyldan kem ýaqyt júrgen kólikterdiń sany - 12 204 (2010 jyly - 4 342), 7 jyldan asqan biraq 10 jyldan kem kólikterdiń sany - 9 992 (3 082), 3 jyldan kem ýaqyt júrgen kólikterdiń sany - 4 668 (2 553) boldy.
