2011 jylǵy qysqy Azııa oıyndary ótetin nysandarǵa bólingen 7 mıllıard teńge ıgerildi - Ahmetjan Esimov
sp; ALMATY. Qarashanyń 18-i. QazAqparat /Erlik Erjanuly/ - Prezıdent tapsyrmalarynyń oryndalýyn baqylaý boıynsha bizde daǵdarys jaǵdaıynda óte jaqsy kórsetkishterimiz bar.
Ony Almaty qalasynyń ákimi Ahmetjan Esimov búgin memlekettik baqylaýdyń tıimdiligin arttyrý jónindegi respýblıkalyq mańyzy bar eki qala men oblys ákimdikteri apparattary jetekshileriniń qatysýmen ótip jatqan respýblıkalyq semınarda aıtty, dep habarlaıdy QazAqparat.
"Sáýirde Prezıdent Almatyda májilis ótkizdi. Biz birqatar máseleler boıynsha ótinish bildirdik. Prezıdent sheshim qabyldap 27 mıllıard teńge bóldi. Onyń oryndalýyn Prezıdent ákimshiligi qadaǵalady. Qazirgi tańda metroǵa bólingen 14 mılıard teńge ıgerilip, qosymsha 4,4 mıllıard teńge bólinip otyr. 2011 jylǵy qysqy Azııa oıyndary ótetin nysandarǵa bólingen 7 mıllıard teńge de ıgerildi. Bizde tek Medeý men Shymbulaqta 2 podstantsııa salýǵa bólingen 6 mıllıard teńgeni ıgerýdi baqylaý ǵana nashar. Nysandardy qarjylandyrý jobasynyń ákimshisi bop "Samruq-Energo" bekitilgen bolatyn", deıdi Ahmetjan Esimov. Qala ákiminiń sózine qaraǵanda, qazir bul jumys kesheýildep kele jatyr. Olar keminde 1 jylda salynýy kerek. Al 1 jyldan keıin onda Azııada oıyndary ótpek.
