2011 jylǵy qysqy Azııa oıyndary ótetin nysandardy elektr energııasymen qamtamasyz etý máselesi jyl sońynda tolyq sheshiledi
ALMATY. 2 qarasha. QazAqparat /Erlik Erjanuly/ - Almaty qalasy men Almaty obylysyndaǵy 2011 jyly VII qysqy Azııa oıyndary ótetin sport nysandaryn elektr energııasymen qamtamasyz etý máselesi jyl sońynda deıin tolyq sheshiledi. Bul búgin Almatyda ótip jatqan Energetıkter forýmynda sóz boldy.
"Údemeli ındýstrııalyq-ınnovatsııalyq damý jónindegi baǵdarlama boıynsha júzege asyrylyp jatqan keıbir jobalardaǵy is-sharalardyń kesteden kesheýildeýi uıymdastyrý jumystarynan oryn alyp otyr. Degenmen 2011 jylǵy VII qysqy Azııa oıyndary ótetin Almaty men Almaty oblsyndaǵy Ermensaı, Medeý, Shymbulaq jáne QazUÝ transformatorlyq kishi stantsııalarynyń qurylysy jyl sońyna deıin tolyq daıyn bolady. Qazirdiń ózinde olardyń keıbirinde qurylys jumystary aıaqtaldy", - deıdi QR Indýstrııa jáne jańa tehnologııalar vıtse-mınıstri Dúısenbaı Turǵanov.
Onyń aıtýynsha, jyl sońyna qaraı sondaı-aq, Atyraý JEO keńeıtý jobasy da aıaqtalmaq. Ol ındýstrııalandyrý baǵdarlamasyndaǵy aǵymdaǵy jyly júzege asyrylatyn 144 jobanyń biri sanalady.
