2011 jylǵy qańtar-qarashadaǵy turǵyn úıdi satyp alý-satý mámileleriniń sany - 144 789
ASTANA. 8 jeltoqsan. QazAqparat /Qanat Mámetqazyuly/ - Elimizde 2011 jylǵy qańtar-qarashadaǵy turǵyn úıdi satyp alý-satý mámileleriniń sany 144 789-dy qurady.
Bul týraly QR Statıstıka agenttiginiń baspasóz qyzmetinen habarlandy.
Agenttik málimetteri boıynsha 2011 jylǵy qarasha aıynyń ózinde turǵyn úıdi satyp alý-satýdyń tirkelgen mámileleriniń sany 14 922-ni qurady. Bul osynyń aldyndaǵy aımen salystyrǵanda 5,8 paıyzǵa az kórsetkish. Al 2011 jylǵy qańtar-qarashadaǵy turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 17,9 paıyzǵa ósti.
Sonymen qatar, agenttik málimetterine qaraǵanda, qarasha aıyndaǵy turǵyn úıdi satyp alý-satý mámileriniń eń kóp sany Shyǵys Qazaqstan oblysynda tirkelip, bul 1763-ti qurady. Al Almaty qalasyndaǵy mámileler sany - 1729, Astana qalasy boıynsha 1538-di qurap otyr.
