2011 jylǵy birinshi toqsanda aýyl sharýashylyǵy ónimine baǵa 9,7 paıyzǵa ósti - Statıstıka
ASTANA. 9 sáýir. QazAqparat - 2011 jylǵy birinshi toqsanda ótkizilgen aýyl sharýashylyǵy ónimine baǵa 9,7 paıyzǵa ósti, dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, aǵymdaǵy jylǵy naýryzda 2010 jylǵy jeltoqsanmen salystyrǵanda aýyl sharýashylyǵy qurylymdary ótkizgen ósimdik sharýashylyǵy ónimi 11,1, mal sharýashylyǵy ónimi 7,6 paıyzǵa ósti.
Qyryqqabat - 24,1, kartop - 17,4, ashanalyq qyzylsha - 13,2, sábiz - 7,1, pııaz 6,7 paıyzǵa qymbattady. Baǵa ósimi kúnbaǵys tuqymyna 7,5, burshaqqa 2,1 paıyzdy qurady.
Aǵymdaǵy jylǵy qańtar-naýryzda baǵa bıdaıǵa -12,4, sulyǵa - 9,4, arpaǵa - 9,3, qaraqumyqqa - 4,4, qara bıdaıǵa - 4,2, júgerige - 2,3, kúrishke 2,2 paıyzǵa ósti.
Baǵa shıki sútke - 14,6, jumyrtqaǵa 0,2 paıyzǵa qymbattady. Іri qara mal eti - 9,3, qoı eti - 8,6, jylqy eti - 4,1, qus eti - 3,5, shoshqa eti 1,3 paıyzǵa artty. Baǵa ósimi balǵa - 3,9, júnge 1,2 paıyzdy qurady.
