2011 jylǵy Azııa oıyndarynda qyzmet kórsetýmen 2,5 myń erikti aınalysady

;ALMATY. Jeltoqsannyń  3-i. QazAqparat /Erbol Azanbek/ -2011 jyly elimizde ótetin Azııa oıyndary kezinde qyzmet kórsetýmen 2,5 myń erikti aınalysady. Bul týraly búgin Almaty ákimdiginde ótken «Qazaqstandaǵy eriktilik: búgin, bolashaǵy» atty tájirıbelik konferentsııa barysynda aıtyldy,

 dep habarlaıdy QazAqparat.

Konferentsııa barysynda Azııa oıyndarynda qyzmet kórsetý úshin eriktilerdi jınaý, arnaıy aqparat taratý, olardy oqytý máseleleri sóz boldy. Almaty ákimdigine qarasty «2011 jylǵy Azııa oıyndary dırektsııasy» MKK dırektory Sultanmahmut Shoqpytovtyń aıtýynsha, Azııa oıyndarynyń sátti ótýine eriktilerdiń kómegi aýadaı qajet. «Eriktilerdiń kómegi qaıtarymsyz, óz erkimen júzege asyrylady. Azııa oıyndarynda qyzmet kórsetý úshin 2,5 myń erikti jınaýdy kózdep otyrmyz. Olardy jınaý dırektsııa arqyly júzege asyrylady. Eriktilerdiń barlyǵy shet eldik mamandardyń qatystyrylýymen arnaıy kýrstardan ótkiziledi» deıdi S.Shoqpytov.

«Eriktiler elimizdiń ókilderi retinde 2011 jyly Azııa oıyndaryn kórýge kelgenderdiń elimizde jaqsy sezinýi úshin, elimiz týraly jaqsy kózqaras qalýy úshin tek jaqsy qyzmet kórsetýi tıis» deıdi Almaty ákiminiń orynbasary Serik Seıdýmanov. Onyń aıtýynsha, Azııa oıyndaryn Qazaqstan tek medal alý úshin emes, Qazaqstandy, jaqsy jaǵymyzdy, bizdiń qandaı ekenimizdi kórsetý úshin de qajet. «Qazaqstannyń aqparattyq keńistigi óte úlken emes, sondyqtan sport  arqyly da biz ózimizdi kórsetýimiz kerek», dedi S.Seıdýmanov.