«2011 jylǵy Azııa oıyndary jáne volonterler» jobasyn júzege asyrý josparlanýda - BUU ókili
sp;ASTANA. Jeltoqsannyń 5-si. QazAqparat /Arman Asqarov/ - Aldaǵy ýaqytta biz «2011 jylǵy Azııa oıyndary jáne volonterler» jobasyn júzege asyrýdy josparlap otyrmyz. Bul týraly búgin Lev Gýmılev atyndaǵy Eýrazııa ulttyq ýnıversıtetinde Eriktilerdiń halyqaralyq kúni aıasynda ótken «Volonterler jármeńkesi» kezinde BUU eriktiler baǵdarlamasynyń úılestirýshisi Agnı Baljınnıam málim etti,
dep habarlaıdy QazAqparat.
Onyń sózine qaraǵanda, osy ispetti joba Qytaı astanasy- Beıjiń olımpıadasy kezinde qolǵa alynǵan bolatyn. «Bizde qajetti tájirıbe bar. Sondyqtan biz ony Qazaqstanda júzege asyrýdy josparlap otyrmyz», - deıdi A.Baljınnıam.
BUU-nyń ókili atap kórsetkendeı, 2011 jylǵy Azııa oıyndary kezinde barlyq sporttyq saıystarǵa volonterlerdi kóptep tartý kózdelgen. «Onymen biz eriktilerdiń qyzmetin nasıhattap qana qoımaı, volonterler júıesin damytýdy josparlaýdamyz. Menińshe, ol úshin Qazaqstanda barlyq múmkindikter bar», - dep atap kórsetti A.Baljınnıam.
